ویب ڈیسک:سیاحتی مقامات کے لئے مشہور مالدیپ نے غزہ پر جاری اسرائیلی حملوں اور  نسل کشی کے خلاف  اسرائیلی شہریوں کے  ملک میں داخلے پر لگا دی ہے۔

غیر ملکی  میڈیا کے مطابق غزہ میں جاری اسرائیلی حملوں کیخلاف  اور فلسطین کی حمایت میں مالدیپ نے اسرائیلی پاسپورٹ رکھنے والے افراد کے ملک میں داخلے پر پابندی لگائی ہے۔

رپورٹ کے مطابق دہری شہریت رکھنے والے افراد کسی دوسرے ملک کے سفری دستاویزات کے ذریعے ملک میں داخل ہو سکتے ہیں۔

 حکومت کی جانب سے کہا گیا  ہے کہ یہ اقدام فلسطینی عوام سے مضبوط یکجہتی اور اسرائیل کی جارحیت کے خلاف سخت مؤقف کی عکاسی کرتا ہے۔

واضح رہے کہ مالدیپ کی پارلیمان میں یہ بل ابتدائی طور پر مئی 2024 میں پیش کیا گیا تھاجو متعدد ترامیم کے بعد اب منظور کر لیا گیا ہے اور صدر محمد معیظو نے پارلیمان کی منظوری کے بعدقانون پر دستخط کر  دیئے ہیں۔